Sálfræðingur - Réttar- og öryggisgeðdeild
Sálfræðiþjónusta Landspítala vill ráða til starfa metnaðarfullan og sjálfstæðan sálfræðing með góða samskiptafærni og sem hefur áhuga á að vinna með fólki sem sækir þjónustu á réttar- og öryggisgeðdeild.
Um er að ræða faglega krefjandi starf á spennandi vettvangi fyrir sálfræðing sem hefur áhuga á réttarsálfræði, nýsköpun og framþróun í starfi. Landspítali er þverfaglegur vinnustaður og býður upp á líflegt starfsumhverfi. Starfið er innan réttar- og öryggisgeðdeildar og felur í sér sérhæfða greiningar- og meðferðarvinnu með fólki sem er að takast á við alvarlegan geðvanda.
Hjá Sálfræðiþjónustunni starfa 80 sálfræðingar í ólíkum þverfaglegum teymum á ýmsum deildum Landspítala. Sálfræðiþjónustan er í stöðugri framþróun og unnið að fjölbreyttum umbótaverkefnum. Margvísleg tækifæri eru til að dýpka þekkingu í greiningu og meðferð. Lögð er áhersla á að sálfræðingar á Landspítala fái öfluga handleiðslu og símenntun í faginu.
- Greining, mat og meðferð á geðrænum vanda, gagnreynd sálfræðimeðferð og ráðgjöf
- Einstaklings- og hópmeðferð
- Námskeiðahald, ráðgjöf og fræðsla
- Handleiðsla og þjálfun nema í klínískri sálfræði í samræmi við reynslu
- Þátttaka í þróun og uppbyggingu sálfræðiþjónustu á Landspítala
- Þátttaka og uppbygging á þverfaglegri teymisvinnu
- Íslenskt starfsleyfi sálfræðings
- Þekking og reynsla af sálfræðilegri greiningu og sálmeinafræði
- Þekking á réttarsálfræði og gerð áhættumats er kostur
- Þekking og reynsla af gagnreyndum aðferðum s.s. á hugrænni atferlismeðferð og á atferlismótandi inngripum og áætlunargerð
- Áhugi á að vinna í spítalaumhverfi, reynsla af því að hafa unnið í spítalaumhverfi er kostur
- Framúrskarandi samskiptafærni
- Hæfni til að vinna sjálfstætt og sýna frumkvæði
- Reynsla af þátttöku í þverfaglegri teymisvinnu heilbrigðisstétta æskileg
- Góð íslenskukunnátta skilyrði
Frekari upplýsingar um starfið
Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.
Ráðið er í starfið frá 15. nóvember 2025 eða eftir nánara samkomulagi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.
Starfsmerkingar: Heilbrigðisþjónusta, Sálfræðingur
Tungumálahæfni, íslenska 4/5